ՀԱՅԱՍՏԱՆ ՆԵՐԿՐՒՈՂ ԲՆԱԿԱՆ ԳԱԶԻ ԾԱՒԱԼՆԵՐԸ 30%-ՈՎ ԿՐՃԱՏՈՒԵԼ ԵՆ
11-08-2008 20:00:00 | Հայաստան | Տնտեսութիւն
ԵՐԵՎԱՆ, 11 ՕԳՈՍՏՈՍԻ, ՆՈՅԵԱՆ ՏԱՊԱՆ: Վրաստանի տարածքով
Հայաստան ներկրւող բնական գազի ծաւալները 30%-ով կրճատուել են: Այս
մասին յայտնել է «հայռուսգազարդ» ընկերութեան մամլոյ քարտուղար
Շուշան Սարդարեանը: «Մենք ճշտում ենք Վրաստանի տարածքով անցնող
գազամուղով Հայաստան ներկրւող գազի ծաւալի կրճատման պատճառները եւ
ճշգրիտ ծաւալը»,- ասել է նա: Շ.Սարդարեանը նշել է, որ տուեալ պահին
գազի պակասորդը լրացվում է «հայռուսգազարդի» պահուստներից, որոնց
ծաւալը, հաշուի առնելով ամառուայ ժամանակաշրջանը եւ սպառման նուազումը,
պէտք է բաւարարի մինչեւ ներկրման հարցի կարգաւորումը: