Բարեգործական ծրագրերի համակարգման յանձնաժողովը քննարկել եւ
հաստատել է եւս 10 ծրագրեր
19-03-2010 19:24:00 | Հայաստան | Հասարակութիւն
ԵՐԵՎԱՆ, 19 ՄԱՐՏԻ, ՆՈՅԵԱՆ ՏԱՊԱՆ: Հայաստանի կառավարութեան
բարեգործական ծրագրերի համակարգման յանձնաժողովի մարտի 19-ի
նիստում, որը վարել է յանձնաժողովի նախագահ Սիմոն Տեր Սիմոնեանը,
քննարկուել են 10 բարեգործական ծրագրեր:
Ըստ ՀՀ կառավարութեան Տեղեկատուութեան եւ հասարակայնութեան հետ
կապերի վարչութեան, նիստում քննարկուել եւ հաստատուել են`
«Հայաստան» համահայկական հիմնադրամի կողմից իրականացyող
Կոտայքի մարզի «Աբովեանի ծննդատուն» ՊՓԲԸ-ի ծնարանային եւ
վիրահատական բաժինների հիմնանորոգման, «Շիրակի մարզի Արթիկ քաղաքի
թիւ 1 յատուկ դպրոց» ՊՈԱԿ-ի պատուհանների տեղադրման», Երեւանի
«Նորք» տուն-ինտերնատ» ՊՈԱԿ-ի սանհանգույցների վերանորոգման եւ
Հայաստանի Հանրապետութեան Շիրակի մարզի Գիւմրու «Ֆրիտյոֆ Նանսենի»
անուան «Հոյս» մանկատան կահաւորման ծրագրերը:
Հայկական բարեգործական ընդհանուր միութեան Հայաստանի
ներկայացուցչութեան կողմից իրականացyող «Արմենիակա» ծրագիրը, որի
նպատակն է Հայաստանում եւ Եվրոպայում առկայ հայկական
ճարտարապետութեան վերաբերեալ արխիւային փաստաթղթերի, պատմական
աղբիւրների եւ գրականութեան ցանկի թուայնացումը ու տեղադրումը
համացանցում, ինչը հասանելի կլինի բոլորին:
Մայր Աթոռ Սուրբ Էջմիածնի կողմից իրականացyող Գանձատան
նորոգման աշխատանքների եւ Գարեգին Ա կրթական կենտրոնի կառուցման
նախագծային աշխատանքների ծրագրերը:
«Հրայր եւ Աննա Հովնանյան» կորպորացիայի մասնաճիւղի կողմից
իրականացyող ծրագիրը, որի նպատակն է Սուրբ Կաթողիկէ եկեղեցուն կից
կառուցել եկեղեցական համալիր` Հայրապետական նստավայր եւ Սուրբ Աննա
եկեղեցի:
«ԱՌԴԱ» բարեգործական հիմնադրամի կողմից իրականացyող Գիւմրու
թիւ 6 մանկապարտէզի կահաւորման ծրագիրը ու «Զեյթուն» ուսումնական
եւ աջակցման կենտրոնի հիմնադրման ծրագիրը, որի նպատակն է աջակցել
բնակչութեան խոցելի խաւին ձեռք բերելու շուկայում պահանջւող
մասնագիտութիւն եւ սեփական վաստակի միջոցով հասնել ֆինանսական
կայունութեան:
Նիստում քննարկուել եւ հաստատուել են նաեւ նախկինում հաստատուած
ծրագրերի շրջանակներում իրականացyող հարակից գործարքներ եւ տարբեր
կազմակերպութիւնների հասցէներով ստացուած բարեգործական բեռների
ներմուծման ծրագրեր: