Ըստ Էրդողանի կուսակցի, Ցեղասպանութեան բանաձեւի ընդունումը
կարող է վնասել հայերի հանդէպ Անկարայի ցուցաբերած մեծահոգությանը
17-03-2010 22:14:00 | | Քաղաքական
ԱՆԿԱՐԱ, 17 ՄԱՐՏԻ, ՆՈՅԵԱՆ ՏԱՊԱՆ: Թուրքիայի «Արդարութիւն եւ
զարգացում» կուսակցութեան արտաքին յարաբերութիւնների հարցերով
փոխպատասխանատու Սուաթ Քընըքլօղլուն, որը եւս մասնակցել է
Լոնդոնյան այցին, հանդէս է եկել «թուրքաբնակ հայերի հնարաւոր
արտաքսման» վերաբերեալ Էրդողանի յայտարարութիւնը պարզաբանող
գրաւոր յայտարարութեամբ:
Ըստ «Hurriyet»-ի, Քընըքլօղլուի տարածուած հաղորդագրութիւնում
յստակեցուած են, թէ ինչու եւ ինչպէս է Թուրքիայի վարչապետն
անդրադարձել Թուրքիայում անօրինական բնակութիւն հաստատած հայերի
հնարաւոր արտաքսման խնդրին:
Թերթը նշում է, որ լրատվամիջոցները ջանացել են այլ երանգ ու
շեշտադրում հաղորդել Էրդողանի ասածներին: Մինչդեռ Էրդողանն
ընդամէնը ցանկացել է յիշեցնել, որ Ցեղասպանութեան բանաձեւի
ընդունումը կարող է վնասել հայ-թուրքական կարգաւորման գործընթացին
եւ Անկարայի ցուցաբերած մեծահոգությանը: