ԵՐԵՎԱՆ, 25 ՓԵՏՐՈՒԱՐԻ, ՆՈՅԵԱՆ ՏԱՊԱՆ: «Հայէեկոնոմբանկ»-ի խորհրդի նախագահ Սարիբեկ Սուքիասյանի դէմ գործով նախաքննութեան փուլում խախտուել են նրա իրաւունքները: Այս մասին փետրուարի 25-ի ասուլիսում յայտարարեց Հայաստանի Մարդու իրաւունքների պաշտպան Արմէն Յարութիւնեյանը: Ըստ նրա, նման արատաւոր պրակտիկան համատարած է: Այդ իսկ պատճառով պաշտպանը նամակով դիմել է ՀՀ ոստիկանապետին, որպէսզի վերջինս շրջաբերական իջեցնի ոստիկանութեան կառույցներին: «Մեր ոստիկանութիւնում ոստիկանապետի շրջաբերականը աւելի բարձր ուժ ունի, քան ՀՀ Սահմանադրութիւնը, օրէնքները եւ վաւերացուած պայմանագրերը»,- ասաց Ա.Յարութիւնեյանը:

---