Ոստիկանությունում ոստիկանապետի շրջաբերականը ավելի բարձր ուժ
ունի, քան Սահմանադրությունը եւ օրենքները,- ասում է ՀՀ Մարդու
իրավունքների պաշտպանը
25-02-2010 18:00:00 | Հայաստան | Իրավունք
ԵՐԵՎԱՆ, 25 ՓԵՏՐՎԱՐԻ, ՆՈՅՅԱՆ ՏԱՊԱՆ: «Հայէեկոնոմբանկ»-ի
խորհրդի նախագահ Սարիբեկ Սուքիասյանի դեմ գործով նախաքննության
փուլում խախտվել են նրա իրավունքները: Այս մասին փետրվարի 25-ի
ասուլիսում հայտարարեց Հայաստանի Մարդու իրավունքների պաշտպան
Արմեն Հարությունյանը:
Ըստ նրա, նման արատավոր պրակտիկան համատարած է: Այդ իսկ
պատճառով պաշտպանը նամակով դիմել է ՀՀ ոստիկանապետին, որպեսզի
վերջինս շրջաբերական իջեցնի ոստիկանության կառույցներին: «Մեր
ոստիկանությունում ոստիկանապետի շրջաբերականը ավելի բարձր ուժ
ունի, քան ՀՀ Սահմանադրությունը, օրենքները եւ վավերացված
պայմանագրերը»,- ասաց Ա.Հարությունյանը: