ԵՐԵՎԱՆ, 25 ՓԵՏՐՈՒԱՐԻ, ՆՈՅԵԱՆ ՏԱՊԱՆ: «Կարեւոր չէ, ճիշտ են գազի սակագների աւելացման հաշուարկները, թէ ոչ: Կարեւորն այն է, որ շարքային քաղաքացին անպաշտպան է, խաթարուած է սոցիալական արդարութեան սկզբունքը, քանի որ քաղաքացու համար անհնարին է դառնում սոցիալական բեռը»,- փետրուարի 25-ի ասուլիսում յայտարարեց Հայաստանի Մարդու իրաւունքների պաշտպան Արմէն Յարութիւնեյանը: Ըստ նրա, հարցը գլոբալ իմաստով ի վերջոյ հանգում է մենաշնորհային տնտեսութեան խնդրին. գոյութիւն չունեն շուկայական հարաբերություներ, այլ գոյութիւն ունեն Սահմանադրութեանը հակասող ոչ բնական մէնաշնորհներ, որոնք ըստ էութեան ոչնչացնում են միջին եւ փոքր ձեռնարկատիրությունը: Ա.Յարութիւնեանն ընդգծեց, որ միջին բիզնեսի ներկայացուցիչներից սկսել է բազմաթիւ բողոքներ ստանալ, թէ խոշոր բիզնեսը այնպիսի պայմաններ է ստեղծում, որ հնարաւոր չէ աշխատել: «Մարդկանց նորմալ ձեռնարկատիրական գործունէութեամբ զբաղուելու հնարաւորութիւն տրուած չէ, որպէսզի նրանք էլ վաստակեին, եւ այդ դէպքում սոցիալական բեռը այդքան ծանր չէր լինի»,- ասաց Ա.Յարութիւնեյանը: Պաշտպանը կոչ է անում կառավարութեանը գազի թանկացման դէպքում սոցիալական փաթեթ մշակել բնակչութեան անապահով խաւերի համար: Անդրադառնալով «Մարդու օրգաններ կամ հիւսուածքներ փոխպատվաստելու մասին» ՀՀ օրէնքում 2009թ.-ին կատարուված փոփոխությանը, ըստ որի քաղաքացին պէտք է տեղեակ լինի, որ առանց իրեն հարցնելու կարող են իր օրգանները օգտագործել, նախօրոք գրաւոր պէտք է հայտարարի, որ արգելում է իր օրգանները օգտագործել, Ա.Յարութիւնեանն այն որակեց ոչ միայն որպէս հակասահմանադրական, այլեւ` որպէս զավեշտի հասնող օրէնք: «Սահմանադրութիւնը մեր իրականութեան հետ գնալով աւելի ու աւելի կապ չունի»,- յայտարարեց Ա.Յարութիւնեյանը, յաւելելով. «Եթէ այսպէս շարունակուի, 15-20 տարի յետոյ կարելի կլինի խօսել ոչ թէ Հայաստանի հանրապետութեան, այլ Հայաստանի ռեզերվացիայի մասին, ոչ թէ ՀՀ Սահմանադրութեան, այլ Հայաստանի ռեզերվացիայի ներքին կանոնների մասին»: Նա նշեց, որ պետական կառոյցները պէտք է մտածեն այդ ամէնի դէմն առնելու մասին, քանի որ «հասարակութիւնը չի կարող բաղկացած լինեն միայն իրաւունք կամ միայն պարտականութիւն ունեցողներից»:

---