ԱՄՆ-Ի ՀԱՆՐԱՊԵՏԱԿԱՆ ՍԵՆԱՏՈՐԸ ԿԱՐՈՂ Է ՅԱՅՏՆՈՒԵԼ ԲԱՆՏՈՒՄ
28-10-2008 16:59:00 | ԱՄՆ | Միջազգային
ՎԱՇԻՆԳՏՈՆ, 28 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի հանրապետական
սենատոր Թեդ Սթիվենսը մեղաւոր է ճանաչուել կաշառակերութեան մէջ:
84-ամեայ Սթիվենսը, որը Ալեասկայի նահանգից 40 տարի շարունակ
սենատորի պաշտօն է զբաղեցնում, մեղադրուել է Veco նաւթային
ընկերությունից նուէրներ ստանալու եւ ընկերութեան հաշուին իր տունը
վերանորոգելու փաստը թաքցնելու մէջ:
Ընկերությունից Թեդ Սթիվենսի ստացած նուէրների ընդհանուր
արժէքը գնահատւում է 250 հազար դոլար: Սակայն, ինչպէս հաղորդում է
BBC-ն, սենատորը պնդում է, որ ինքն անմեղ է:
Թեդ Սթիվենսին սպառնում է բանտարկութիւն մինչեւ հինգ տարի
ժամկէտով: Այժմ նա Ալեասկայի նահանգից ԱՄՆ-ի Սենատում վերընտրվելու
համար պայքար է մղում դեմոկրատ Մարկ Բեգիչի դէմ: