ՆՅՈՒ ՅՈՐՔՈՒՄ ԲԱՑՒՈՒՄ Է ՄԱԿ-Ի ԳԼԽԱՒՈՐ ԱՍԱՄԲԼԷԱՅԻ 63-ՐԴ
ՆՍՏԱՇՐՋԱՆԸ
16-09-2008 16:29:00 | ԱՄՆ | Միջազգային
ՆՅՈՒ ԵՈՐՔ, 16 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Նյու Յորքում`
Միաւորուած ազգերի կենտրոնակայանում, այսօր իր աշխատանքը կսկսի
ՄԱԿ-ի Գլխաւոր ասամբլէայի հերթական` 63-րդ նստաշրջանը:
Ծրագրւում է նստաշրջանի ընթացքում քննարկել օրակարգի 160-ից
աւելի հարց: Այդ թւում այնպիսի թեմաներ, ինչպիսիք են խաղաղութեան
եւ անվտանգութեան ապահովումը, ահաբեկչութեան դէմ պայքարը, մարդու
իրաւունքների պաշտպանութիւնն ու շրջակայ միջավայրի պահպանութիւնը,
սոցիալական եւ տնտեսական զարգացման հարցեր: Վեհաժողովի
պատուիրակները կշարունակեն նախորդ նստաշրջանների ընթացքում սկսած
հարցերի քննարկումը, որ վերաբերում են ՄԱԿ-ի Անվտանգութեան խորհրդի
բարենորոգմանը, բուն կազմակերպութեան աշխատանքի ակտիւացմանը,
ինչպէս նաեւ ՄԻԱՎ-ՁԻԱՀ-ի դէմ պայքարին: