ՈՒԿՐԱԻՆԱՅԻ ՆԱԽԱԳԱՀ. ԵՐԿՐՈՒՄ ՍԿՍՈՒԵԼ Է ՍԱՀՄԱՆԱԴՐԱԿԱՆ
ՅԵՂԱՇՐՋՈՒՄ
03-09-2008 17:05:00 | | Միջազգային
ԿԻԵՎ, 3 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Երկրում սկսուել է
սահմանադրական յեղաշրջում: Այս մասին յայտարարել է Ուկրաինայի
նախագահ Վիկտոր Յուշչենկոն ուկրաինական ժողովրդին ուղղուած իր
հեռուստաուղերձում:
Ուկրաինայի նախագահը «լաւ ծրագրուած ակցիա» է համարել Իւլեա
Տիմոշենկոյի դաշինքից (ՅՈՒՏԴ) եւ «Մեր Ուկրաինա-Ժողովրդական
ինքնապաշտպանութիւն» դաշինքից կազմուած կոալիցիայի փլուզումը:
«Գերագոյն ռադայում փաստացի ստեղծուած է նոր կոալիցիա`
կազմուած ՅՈՒՏԴ-ից, Ռեգիոնների կուսակցութիւնից եւ Կոմկուսից, որի
հիմքում ոչ ուկրաինական եւ ոչ պետական շահեր են»,- ասել է
Յուշչենկոն:
«ՅՈՒՏԴ-ի, Ռեգիոնների կուսակցութեան եւ ՈՒԿԿ-ի ձեռքերով
վերականգնուած է կառավարութեան մասին հակասահմանադրական օրէնքը, որը
2006 թուականին արտահերթ ընտրութիւնների պատճառ դարձաւ: Այդ օրէնքը
հաստատում է վարչապետի դիկտատուրա»,- ընդգծել է Յուշչենկոն:
Դրա հետ կապուած Յուշչենկոն յայտարարել է, որ եթէ օրէնքով
սահմանուած ժամկէտում (10 օր) չձեւավորվի նոր խորհրդարանական
կոալիցիա, նա կօգտվի իր սահմանադրական իրաւունքից եւ կցրի Ռադան: