«ՀԶԲՈԼԼԱՀԸ» ԾՐԱԳՐՈՒՄ Է ԻՍՐԱՅԵԼՑԻՆԵՐԻ ԱՌԵՎԱՆԳՄԱՆ
ԳՈՐԾՈՂՈՒԹԻՒՆՆԵՐ ԱՐՏԱՍԱՀՄԱՆՈՒՄ
21-08-2008 15:25:00 | | Միջազգային
ԹԵԼ ԱՒԻՒ, 21 ՕԳՈՍՏՈՍԻ, ՆՈՅԵԱՆ ՏԱՊԱՆ: «Հզբոլլահ» շիա
արմատական շարժումը, ըստ իսրայելական յատուկ ծառայութիւնների
տուեալների, նախապատրաստում է երկրի սահմաններից դուրս գտնուող
Իսրայելի քաղաքացիների առեւանգման գործողութիւններ:
Իսրայելի յատուկ ծառայութիւնների օպերատիւ տուեալներով,
«Հզբոլլահը» մտադիր է իսրայելցիների առեւանգման գործողութիւններ
իրականացնել Իմադ Մուգնիեի մահուան համար վրէժ լուծելու նպատակով,
որը սպանուել էր 2008 թուականի փետրուարին Դամասկոսում: Նա
«Հզբոլլահում» պատասխանատու էր իսրայելցիների վրայ յարձակումների եւ
ահաբեկչութիւնների կազմակերպման համար: Փետրուարի 12-ին
աւտոմեքենան, որի մէջ նա գտնւում էր, պայթեցուել էր: Իսրայելական
յատուկ ծառայութիւնները հերքեցին իրենց մեղսակցութիւնը ահաբեկչի
մահուան մէջ: Սակայն «Հզբոլլահի» ղեկավարութիւնը նրա զոհվելու
մեղքը բարդեց Իսրայելի վրայ եւ խոստացաւ վերժ լուծել: