ՏՐԱՆՍՊՈՐՏԱՅԻՆ ՏԵՍՉՈՒԹՅՈՒՆԸ ՎԵՐՋԻՆ ԵՐԵՔ ԱՄՍՈՒՄ ԿԱԶՄԵԼ Է
ՎԱՐՉԱԿԱՆ ԻՐԱՒԱԽԱԽՏՈՒՄՆԵՐԻ ՎԵՐԱԲԵՐԵԱԼ 408 ԱՐՁԱՆԱԳՐՈՒԹԻՒՆ
01-08-2008 16:40:00 | Հայաստան | Տնտեսութիւն
ԵՐԵՎԱՆ, 1 ՕԳՈՍՏՈՍԻ, ՆՈՅԵԱՆ ՏԱՊԱՆ: Հանրապետութիւնում
ընդհանուր օգտագործման աւտոմոբիլային տրանսպորտով ուղեւորների
կանոնաւոր փոխադրումների երթուղային ցանցն իր մէջ ներառում է 372
աւտոբուսային եւ 429 միկրոաւտոբուսային երթուղիներ (այդ թւում
216-ը` միջմարզային, 370-ը` ներմարզային, 150-ը` Երեւանում),
որոնքսպասարկում են 1042 աւտոբուսներ եւ 4720 միկրոավտոբուսներ:
Ինչպէս օգոստոսի 1-ի ասուլիսում նշեց ՀՀ տրանսպորտի եւ կապի
նախարար Գուրգէն Սարգսեանը, նախարարութեան Տրանսպորտային
տեսչության կողմից իրականացուած վերահսկողական աշխատանքների
արդիւնքում այս տարուայ ապրիլի 19-ից մինչեւ յուլիսի 25-ը վարչական
իրաւախախտումների վերաբերեալ կազմուել է 6 մլն 401 հազար դրամի 408
արձանագրութիւն, որոնց հիման վրայ արդէն պետբիւջէ է վճարուել 2 մլն
955 հազար դրամ:
Նախարարի խօսքերով, ընդհանուր օգտագործման աւտոմոբիլային
ճանապարհներին տեղադրուած գովազդներից այս տարուայ երկրորդ
եռամսյակում պետբիւջէ է մուտքագրուել 17 մլն 493 հազ. 725 դրամ`
նախորդ տարուայ նոյն ժամանակահատուածի 5 մլն 457 հազ. 625 դրամի
դիմաց:
Գ.Սարգյանը տեղեկացրեց նաեւ, որ հանրապետութիւնում գործող
տեխզննման 31 կայաններում տրանսպորտային միջոցների պարտադիր
տեխնիկական զննություն է անցել 33 հազար 767 աւտոմեքենայ:
Տեխզննումից պետբիւջէ է վճարուել մօտ 84 մլն 417 հազար դրամ, իսկ
բնապահպանական մասով` 118 մլն 184 հազար դրամ:
Նշուեց, որ ապրիլի 16-ից մինչեւ յուլիսի 18-ը լիցենզաւորուել է
կանոնաւոր փոխադրումներ իրականացնող 261 կազմակերպութիւն, որոնցից
16-ը` կանոնաւոր երթուղիներ սպասարկող կազմակերպութիւններ են,
245-ը` մարդատար տաքսի ծառայութիւն իրականացնող: