ՆԱԽԱՊԱՏՐԱՍՏՈՒԵԼ Է ՀԲ-Ի ԿՈՂՄԻՑ ՀԱՅԱՍՏԱՆԻ ՊԵՏԲԻՒՋԷԻ ՍԱՏԱՐՄԱՆ
ԱՇԽԱՏԱՆՔՆԵՐԻ ՎԵՐԱԲԵՐԵԱԼ ՓԱՍՏԱԹՈՒՂԹԸ
29-07-2008 20:00:00 | Հայաստան | Տնտեսութիւն
ԵՐԵՎԱՆ, 29 ՅՈՒԼԻՍԻ, ՆՈՅԵԱՆ ՏԱՊԱՆ: ՀՀ վարչապետ Տիգրան
Սարգսեանը յուլիսի 29-ին ընդունել է Համաշխարհային բանկի
հայաստանեան ծրագրերի գլխաւոր տնտեսագէտ Սամիս Միտրային եւ նրա
գլխաւորութեամբ գործող ՀԲ-ի կողմից Հայաստանի պետական բիւջէի
սատարման աշխատանքների վերաբերեալ փաստաթուղթը նախապատրաստած թիմի
անդամներին:
Վարչապետը շնորհակալութիւն է յայտնել ՀԲ-ի
ներկայացուցիչներին` ՀՀ կառավարութեան առաջնահերթությունները եւ
համահայկական ծրագրերն արտացոլող ընդգրկուն փաստաթղթի մշակման
համար: Տ.Սարգսեանը նշել է, որ այն զգալի օժանդակություն է
կառավարութեանը:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ կառավարութեան
Տեղեկատուութեան եւ հասարակայնութեան հետ կապերի վարչութիւնից,
հանդիպմանն անդրադարձ է եղել փաստաթղթում ներառուած կենսաթօշակային
բարեփոխումների, հարկային եւ մաքսային վարչարարության,
էլեկտրոնային կառավարման, պետական ծախսային քաղաքականութեան
բարեփոխումների, բնական ռեսուրսների արդիւնաւէտ կառավարման եւ մի
շարք ոլորտների մասով նախանշումներին: Նշուվել է, որ դրանց
վերաբերեալ ՀՀ կառավարութիւնը էական առարկութիւններ չունի եւ
օգտակար է համարում ներկայացուած աշխատանքը:
ԴԱՍ. ՀԱՅԵՐԵՆ 
Հայերեն
Русский
English
French