ՋՈՐՋ ԲՈՒՇԸ ԹՈՒՅԼԱՏՐԵԼ Է ՄԱՀԱՊԱՏԺԻ ԵՆԹԱՐԿԵԼ ԶԻՆԾԱՌԱՅՈՂԻՆ
29-07-2008 15:07:00 | ԱՄՆ | Միջազգային
ՎԱՇԻՆԳՏՈՆ, 29 ՅՈՒԼԻՍԻ, ՆՈՅԵԱՆ ՏԱՊԱՆ: ԱՄՆ-ի նախագահ Ջորջ
Բուշը թույլատրել է մահապատժի ենթարկել զինվորին, որը մեղաւոր է
ճանաչուել չորս սպանութիւնների եւ ութ բռնաբարութիւնների մէջ:
Ամերիկեան ԶԼՄ-ները նշում են, որ սա առաջին դէպքն է 1957
թուականից ի վեր, երբ ԱՄՆ-ի նախագահը համաձայնութիւն է տալիս
զինծառայողի մահապատժին:
1988 թուականին զինուորական տրիբունալը, որ քննում էր շարքային
Ռոնալդ Գրեյի գործը, նրան ճանաչել էր մեղաւոր եւ դատապարտել
մահուան:
Երբ նման վճիռ է արձակում ոչ քաղաքացիական դատարանը, այլ
զինուորական տրիբունալը, պարտադիր կարգով այն պէտք է արժանանա ԱՄՆ-ի
նախագահի հաւանութեանը: