2008 Թ.-Ի ՅՈՒՆՈՒԱՐԻՆ ՆԱԽՈՐԴ ՏԱՐՈՒԱՅ ՆՈՅՆ ԱՄՍՈՒԱՅ ՀԱՄԵՄԱՏ
ՀԱՅԱՍՏԱՆՈՒՄ ՇԻՆԱՐԱՐՈՒԹԵԱՆ ԾԱՒԱԼԸ 79,7%-ՈՎ ԱՃԵԼ Է
13-03-2008 18:00:00 | Հայաստան | Տնտեսութիւն
ԵՐԵՎԱՆ, 13 ՄԱՐՏԻ, ՆՈՅԵԱՆ ՏԱՊԱՆ: 2008թ.-ի յունուարին
Հայաստանում իրականացուել է 7 մլրդ 35,5 մլն դրամի (աւելի քան 22,9
մլն ԱՄՆ դոլար) շինարարութիւն, այդ թւում` շինարարութեան ծաւալում
շինմոնտաժային աշխատանքները կազմել են 5 մլրդ 404,2 մլն դրամ:
2007թ.-ի յունվարի համեմատ շինարարութեան ծաւալը, համադրելի
գներով, աճել է 79,7%-ով, իսկ շինմոնտաժային աշխատանքներինը`
75,9%-ով:
ՀՀ Ազգային վիճակագրական ծառայութեան տուեալներով,
շինարարութեան 5,3%-ն իրականացուել է պետբիւջէի, 0,4%-ը`
համայնքների միջոցների, 2,1%-ը Համաշխարհային բանկի, 5,1%-ը`
մարդասիրական օգնութեան, 68,9%-ը մասնաւոր կազմակերպութիւնների,
եւ 18,2%-ը` բնակչութեան միջոցների հաշուին: