2008 Թ.-Ի ՀՈՒՆՎԱՐԻՆ ՆԱԽՈՐԴ ՏԱՐՎԱ ՆՈՒՅՆ ԱՄՍՎԱ ՀԱՄԵՄԱՏ
ՀԱՅԱՍՏԱՆՈՒՄ ՇԻՆԱՐԱՐՈՒԹՅԱՆ ԾԱՎԱԼԸ 79,7%-ՈՎ ԱՃԵԼ Է
13-03-2008 18:00:00 | Հայաստան | Տնտեսություն
ԵՐԵՎԱՆ, 13 ՄԱՐՏԻ, ՆՈՅՅԱՆ ՏԱՊԱՆ: 2008թ.-ի հունվարին
Հայաստանում իրականացվել է 7 մլրդ 35,5 մլն դրամի (ավելի քան 22,9
մլն ԱՄՆ դոլար) շինարարություն, այդ թվում` շինարարության ծավալում
շինմոնտաժային աշխատանքները կազմել են 5 մլրդ 404,2 մլն դրամ:
2007թ.-ի հունվարի համեմատ շինարարության ծավալը, համադրելի
գներով, աճել է 79,7%-ով, իսկ շինմոնտաժային աշխատանքներինը`
75,9%-ով:
ՀՀ Ազգային վիճակագրական ծառայության տվյալներով,
շինարարության 5,3%-ն իրականացվել է պետբյուջեի, 0,4%-ը`
համայնքների միջոցների, 2,1%-ը Համաշխարհային բանկի, 5,1%-ը`
մարդասիրական օգնության, 68,9%-ը մասնավոր կազմակերպությունների,
եւ 18,2%-ը` բնակչության միջոցների հաշվին: