ՇԱՀԱԳՈՐԾՄԱՆ Է ՅԱՆՁՆՈՒԵԼ ԴԱԼԱՐԻԿԻ ՎԵՐԱՆՈՐՈԳՈՒԱԾ ՇԷՆՔԸ
12-03-2008 17:55:00 | Հայաստան | Հասարակութիւն
ԵՐԵՎԱՆ, 12 ՄԱՐՏԻ, ՆՈՅԵԱՆ ՏԱՊԱՆ: Օրերս ամբողջովին
վերանորոգուած ու կահաւորուած դպրոց տեղեփոխվեցին Արմաւիրի մարզի
Դալարիկ համայնքի 624 դպրոցականներ: Դպրոցն ապահովուած է ուսուցման
լիարժէք գործընթացի համար անհրաժեշտ բոլոր պայմաններով:
Ինչպէս «ՆՈՅԵԱՆ ՏԱՊԱՆ»-ին յայտնեցին «Հայաստանի մանուկներ»
հիմնադրամից, վերանորոգուած դպրոցը զբաղեցնում է 3,3 հազ. քմ.
տարածք, ունի 22 դասասենեակներ, 2 լաբորատորիա` նախատեսուած քիմիա
եւ ֆիզիկա առարկաների համար, համակարգչային սենեակ` հագեցած
համակարգիչներով եւ անհրաժեշտ համակարգչային սարքավորումներով,
աշխատանքի ուսուցման սենեակ (արհեստանոց), բուժկէտ եւ
առողջապահական սենեակ, երաժշտութեան ուսուցման սենեակ, գրադարան, 5
օժանդակ բնոյթի աշխատասենեակներ, հանդիսութիւնների դահլիճ,
մարզադահլիճ` կից տղաների եւ աղջիկների հանդերձարաններով, արուեստի
կենտրոն:
Դպրոցի շէնքը ապահովուած է լոկալ ջեռուցման, ջրահեռացման եւ
էլեկտրասնուցման համակարգերով: Իրականացուել է դպրոցի շէնքի արտաքին
պատերի եւ հիմքերի ուժեղացում: Յատուկ կարիքներ ունեցող երեխաների
մուտքը դպրոց ապահովելու նպատակով կառուցոուած է թեքուղի:
Դալարիկի դպրոցի հիմնանորոգման աշխատանքները սկսուել են
2006թ.-ի նոյեմբերին եւ իրականացուել Գիւմրիում հիմնադրուած
«Ախուրեան Կոոպշին» ՍՊԸ-ի կողմից, որն ունի բազմամեայ փորձ
շինարարութեան բնագաւառում: Դպրոցի նախագծման եւ աշխատանքների
իրականացման ողջ ժամանակահատուածում «Հայաստանի մանուկներ»
հիմնադրամը եւ կապալառու կազմակերպութիւնը սերտօրէն համագործակցել
են տեղի համայնքի հետ: Այսպէս, աշխատուժի մօտ 20 տոկոսը ներգրաւուած
է եղել Դալարիկ համայնքից:
Դալարիկի դպրոցը «Հայաստանի մանուկներ» հիմնադրամի կողմից
իրականացyող ՀՀ Գիւղական վայրերի համապարփակ զարգացման
մասնակցային ծրագրի շրջանակներում ենթակառուցուածքների վերականգման
մասը կազմող աւարտած ծրագրերից իններորդն է:
2005թ.-ի վերջից ի վեր «Հայաստանի մանուկներ» հիմնադրամը
իրականացրել է երկու մանկապարտէզների, չորս դպրոցների, բուժական
ամբուլատորիայի, սպորտային համալիրի եւ համայնքային կենտրոնի
կապիտալ վերանորոգման ու կահաւորման աշխատանքներ: Նշեալ ծրագրերը,
հիմնադրամի կողմից զուգահեռ իրականացyող կրթական, սոցիալական,
առողջապահական եւ տնտեսական զարգացման ծրագրերի հետ միասին,
վերափոխել են կեանքը Դալարիկ, Լեռնագոգ, Շենիկ եւ Քարակերտ
համայնքների 12115 բնակիչների համար, որոնցից 3018-ը երեխաներ են: