ԵՐԵՎԱՆ, 4 ՄԱՐՏԻ, ՆՈՅԵԱՆ ՏԱՊԱՆ: Հայաստանի ոչ պարենային
ապրանքների շուկայում 2008թ.-ի փետրուարին յունվարի համեմատ
գրանցուած 0,5% գնաճը հիմնականում վառելիքի գների 8,5% թանկացման
արդիւնք է (պայմանաւորուած հեղուկ գազի 11,9% գնաճով):
ՀՀ Ազգային վիճակագրական ծառայութեան տուեալներով, նշուած
ժամանակահատուածում արձանագրուել է կահոյքի, տեքստիլեղենի,
կոշկեղենի, շինանիւթերի, գրենական պիտոյքների, լւացող միջոցների,
ոսկերչական ապրանքների 0,1-2,1% գնաճ: Մշակոյթի ապրանքների,
կենցաղային էլեկտրաապրանքների, գեղայարդարման, այգեգործական,
անձնապիտոյ ապրանքների, հագուստի եւ գործուածքի ապրանքախմբերում
գրանցուել է 1,7-0,1% գնանկում, իսկ 3 դիտարկուող միւս
ապրանքախմբերում գների մակարդակը նախորդ ամսուայ համեմատ մնացել է
անփոփոխ: