ԼԵՒՈՆ ԱՆԱՆԵԱՆԸ ՄՏԱԴԻՐ ՉԷ ԱԲԳԱՐ ԱՓԻՆՅԱՆԻՆ ՎԵՐԱԿԱՆԳՆԵԼ ՀԳՄ-Ի
ՇԱՐՔԵՐՈՒՄ
28-10-2008 15:46:00 | Հայաստան | Մշակոյթ
ԵՐԵՎԱՆ, 28 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ըստ Հայաստանի Գրողների
միութեան (ՀԳՄ) ներկայիս նախագահ Լեւոն Անանեանի, ՀԳՄ-ի նախկին
նախագահ Աբգար Ափինեանը տարիներ շարունակ «քայքայիչ
գործունէութիւն» է ծավալել իր եւ «Գրական թերթի» դէմ:
Յայտարարելով այս մասին հոկտեմբերի 28-ի ասուլիսում, Լ.Անանեանը
յաւելեց նաեւ, որ Ա.Ափինեանի հիմնադրած «Նոր դար» հանդէսն էլ
հրատարակւում էր միմիայն իրեն պախարակելու համար: Բացի դրանից
տարբեր անուններով Ա.Ափինեանը մամուլում հանդէս էր գալիս իր դէմ
յօդուածներով: «Նա այդպէս էլ չհամակերպվեց, որ Գրողների միութեան
նախագահ եմ ընտրուել ես, եւ բաց չէր թողնում հերյուրանքներ
տարածելու առիթը»,- նշեց ՀԳՄ-ի նախագահը:
Նրա խօսքերով, միութեան շարքերը լքելուց յետոյ Ա.Ափինեանը
զանգահարել է իրեն եւ առաջարկել «զինադադար» կնքել: Լ.Անանեանին է
զանգահարել նաեւ մէկ այլ գրող եւ ասել, որ եթէ Ա.Ափինյանին թողնեն
միութեան շարքերում, ապա վերջինս էլ կխոստովանի, թէ ում պատվերն է
կատարել վերջին տարիներին: «Այդ տարիների ընթացքում Ա.Ափինեանը ինձ
միմիայն վարկաբեկել է, եւ ես չեմ պատրաստւում նրան յետ վերադարձնել:
Ի վերջոյ պարզ դարձաւ, որ այս աղմուկն էլ արհեստական էր»,- նշեց
Լ.Անանեանը: