ԵՐԵՎԱՆ, 1 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 1-ին ՀՀ
Ազգային Ժողովը վաւերացրեց 3 միջազգային պայմանագիր:
ՀՀ-ի եւ Եւրոպական ներդրումային բանկի միջեւ 2008թ. փետրուարի
12-ին Լյուքսեմբուրգում եւ փետրուարի 29-ին Երեւանում ստորագրուած
«ՀՀ-ում Եւրոպական ներդրումային բանկի գործունէութեան կառավարման
համար» շրջանակային համաձայնագրի նպատակն է նշուած բանկի օգնութեամբ
հեշտացնել Հայաստանին հետաքրքրող ներդրումային ծրագրերի
ֆինանսավորումը` վարկերի, երաշխիքների կամ այլ մեխանիզմների
միջոցով: Այն ամրագրում է միջոցների փոխանցման եւ ծրագրերի
իրականացման համար հայտարարվող մրցոյթների կարգը, կողմերի
արտօնութիւնները:
ՀՀ-ի եւ Եւրոպական համայնքների յանձնաժողովների միջեւ 2008թ.
փետրուարի 14-ին ստորագրուած Թվինինգ ծրագրերի ֆինանսաւորման
համաձայնագրի նպատակն է աջակցել ԵՄ անդամ երկրների եւ Հայաստանի
համարժէք գերատեսչութիւնների միջեւ Թվինինգ ձեւաչափով 3-4
ծրագրերի իրականացմանը, որոնք միտուած են Գործընկերութեան եւ
համագործակցութեան համաձայնագրի եւ Եւրոպական հարեւանութեան
քաղաքականութեան գործողութիւնների ծրագրի իրականացման խթանմանը:
Այդ նպատակով ՀՀ-ին կտրամադրուի 5 մլն եւրօ:
Հայաստանի եւ Ֆրանսիայի կառավարությունների միջեւ 2008թ.
մայիսի 27-ին ստորագրուած ֆինանսական արձանագրութեան համաձայն, ՀՀ
կառավարութեանը յատկացուելու է աջակցութիւն Երեւան քաղաքի խմելու
ջրի համակարգի բարելաւման եւ մաքրման ծրագրի իրականացման համար:
Ֆրանսիական կողմը այդ նպատակով կտրամադրի 24,4 մլն եւրօ
փոխառություն եւ 0,5 մլն եւրօ դրամաշնորհ: Հայկական կողմը ծրագիրը
համաֆինանսավորելու է 2,4 մլն եւրօ գումարի չափով: 24,4 մլն եվրոն
տրամադրվելու է 20 տարի մարման ժամկէտով, որկից 5 տարին` արտօնեալ,
մարման տոկոսադրույքը տարեկան 1,75 տոկոս է: