ԲՌՆՑՔԱՄԱՐՏԻ ՊԱՏԱՆԵԿԱՆ ՄԻՋԱԶԳԱՅԻՆ ՄՐՑԱՇԱՐԻ ԵԶՐԱՓԱԿԻՉՈՒՄ
ՄԻՄԵԱՆՑ ՀԵՏ ՄՐՑԵՑԻՆ ՀԱՅԱՍՏԱՆԻ ՊԱՏՈՒԻՐԱԿՆԵՐԸ
29-09-2008 14:18:00 | | Սպորտ
ՄԻՆՍԿ, 29 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 23-27-ին
Բելառուսի մայրաքաղաք Մինսկում անցկացուեց բռնցքամարտի միջազգային
պատանեկան մրցաշար, որին մասնակցեցին 7 երկրների 116 մարզիկներ:
Հայաստանի 6 պատուիրակներից առաւել վստահ մրցելույթներ ունեցան 52
կգ քաշայիններ Ալեքսան Շախյանը (Երեւան) եւ Ջոմիկ Տոնոյանը
(Գիւմրի): Նրանք հաջողութեամբ յաղթահարեցին նախնական փուլի
արգելքները եւ անցան եզրափակիչ:
ՀՀ պատանեկան հաւաքականի աւագ մարզիչ, վաստակաւոր մարզիչ
Ֆեդյա Ալեքսանեանը «ՆՏ»-ի թղթակցին յայտնեց, որ յաղթողին որոշող
թիմակիցների մենամարտը չափազանց դիտարժան էր եւ լարուած:
Միաւորներով առաւելութեան հասաւ եւ 1-ին տեղը գրաւեց Ալեքսան
Շախյանը: Նա արժանացավ նաեւ լաւագոյն տեխնիկայի համար մրցանակին:
Հայաստանի հաւաքականի միւս 4 ներկայացուցիչները կիսաեզրափակիչում
իրենց հաշուին նույնպես յաղթանակ գրանցեցին: