ԵՐԵՎԱՆ, 23 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Սեպտեմբերի 23-ին տեղի է ունեցել 26 շաբաթ մարման ժամկէտով պետական (գանձապետական) կարճաժամկէտ AMGT26243095 թողարկման պարտատոմսերի տեղաբաշխման աճուրդ: Տեղաբաշխման ենթակայ պարտատոմսերի ծաւալը 1 մլրդ դրամ է (մօտ 3,33 մլն ԱՄՆ դոլար) , իսկ պահանջարկը` 3,697 մլրդ դրամ, որից մրցակցային` 3,597 մլրդ դրամ, ոչ մրցակցային` 100 մլն դրամ: Պարտատոմսերի տեղաբաշխման ծաւալը կազմել է 1 մլրդ դրամ: Տեղաբաշխումից ստացուած հասոյթը կազմել է 960 մլն 96 319 դրամ: Տեղաբաշխման միջին կշռուած եկամտաբերությունը 8,2211 տոկոս է, տեղաբաշխման սահմանային եկամտաբերությունը` 8,2500 տոկոս: Ըստ ՀՀ Ֆինանսների նախարարութեան լրատուական ծառայութեան, աճուրդին մասնակցել է 11 դիլեր:

---