«ՅՈՒՆԻԱՍՏՐՈՒՄ» ԲԱՆԿԻ ՆԱԽԱԳԱՀԸ ՄՏԱԴԻՐ Է ՀԱՅԱՍՏԱՆՈՒՄ
ԸՆԴԼԱՅՆԵԼ ՆԵՐԴՐՈՒՄՆԵՐԻ ԾԱՒԱԼԸ
26-07-2008 17:30:00 | Հայաստան | Տնտեսութիւն
ԵՐԵՎԱՆ, 26 ՅՈՒԼԻՍԻ, նոեւեւան ՏԱՊԱՆ: «Յունիաստրում» բանկի
նախագահ Գագիկ Զաքարյանը եւ աւտոտրանսպորտի միջոցների
ապահովագրութեան բնագաւառում Ռուսաստանի Դաշնութեան առաջատար
ընկերութիւններից մէկի` «ՌԵՍՕ-գարանտիա»-ի, գլխաւոր տնօրէն
Սերգեյ Սարկիսովը որոշել են Հայաստանում ստեղծել նոր համատեղ
ապահովագրական ընկերութիւն: Այս մասին յուլիսի 26-ին Ծաղկաձորում
լրագրողներին յայտնեց «Հայաստանի գլոբալ մրցունակությունը.
համազգային ներդրումային ծրագրեր» թեմայով գործարար համաժողովի
մասնակից Գ.Զաքարյանը: Ըստ նրա, նոր ընկերութեան սկզբնական
կապիտալը կկազմի շուրջ 1 մլն. ԱՄՆ դոլար: Այն հիմնականում կզբաղուի
անշարժ գոյքի եւ ապառիկ գնուած աւտոմեքենաների ապահովագրութեամբ:
Հայաստանում ներդրումների փորձ ունեցող Գ.Զաքարյանի կարծիքով,
Հայաստանում ներդրումների համար լաւ պայմաններ են ստեղծուած: «Մենք
կշարունակենք զարգացնել մեր «Յւունիբանկ»-ը եւ, բացի այդ, մտադիր
ենք զարգացնել նախագծեր անշարժ գոյքի առքուվաճառքի բնագաւառում,
մասնաւորապէս, «Ամիրեան պլազա»-ում, որում արդէն 20 մլն. ԱՄՆ
դոլարի ներդրում ենք կատարել»,- ասած նա: Գործարարը յայտնեց նաեւ
հանքարդյունաբերության ոլորտում ներդրումներ կատարելու իր
ցանկութեան մասին: