ԳՈՌ ԲԱՂԴԱՍԱՐԱՅԱՆ. «ԵՐՐՈՐԴ ՁԻԱՎՈՐԸ» ՎԱՎԵՐԳԱՐԱԿԱՆ ՖԻԼՄԻ
ՆՊԱՏԱԿՆ Է ՆԵՐԿԱՅԱՑՆԵԼ ԱՆՀԱՆԴՈՒՐԺՈՂԱԿԱՆՈՒԹՅԱՆ ԱՆԿԱՆԽԱՏԵՍԵԼԻ
ՀԵՏԵՒԱՆՔՆԵՐԸ
17-07-2008 19:20:00 | Հայաստան | Մշակոյթ
ԵՐԵՎԱՆ, 17 ՅՈՒԼԻՍԻ, ՆՈՅԵԱՆ ՏԱՊԱՆ: «Ոսկէ ծիրան» միջազգային
կինոփառատօնի պատմութեան մէջ երեւի թէ առաջին դէպքն էր, որ
հայկական վաւերագրական ֆիլմի ցուցադրության ժամանակ անշլագ էր:
«Մոսկուա» կինոթատրոնի փոքր` 30-տեղանոց դահլիճը յուլիսի 17-ին
չբավականացրեց երիտասարդ կինոռեժիսոր Գոռ Բաղդասարեանի «Երրորդ
ձիավորը» վաւերագրական ֆիլմի ցուցադրության համար: Հանդիսատեսի մեծ
մասը մնաց սրահի դռների մօտ կանգնած, ուստի փառատոնի
կազմակերպիչները ցուցադրության լրացուցիչ օր նշանակեցին յուլիսի
18-ին` արդէն Հովհ.Թումանյանի անուան տիկնիկային թատրոնի
300-տեղանոց դահլիճում: Կինոնկարի առաջին ցուցադրությունը կայացել
էր յուլիսի 16-ին Հայաստանի թատերական գործիչների միութեան
դահլիճում եւ նույնպես անցել լեփ-լեցուն սրահում:
Գոռ Բաղդասարեանի խօսքերով, ինքը երկրորդ անգամ է մասնակցում
փառատօնին. անցեալ տարի «Ընթրիքի ժամը» կինոնկարը արժանացել է
ժիւրիի յատուկ մրցանակին: «Երրորդ ձավորը» կինոնկարը ներկայացուած
է փառատոնի արտամրցութային ծրագրում: Այն նկարահանուել է «Ոսկէ
ծիրան»-ի Կինոյի զարգացման հիմնադրամի աջակցութեամբ եւ միտուած է
հայ իրականութեան մէջ տեղ գտած արատաւոր ու բացասական մի
երեւոյթի` անհանդուրժողականության վերացմանը:
1 ժամ 10 րոպէանոց վաւերագրական այս ֆիլմի սյուժեն զարգանում
է հարցազրոյցների միջոցով, որոնք անցկացուել են տարբեր խաւի եւ
տարբեր տարիքի մարդկանց շրջանում. զրույցների թեման ընդգրկում է
սեռային տարբերութիւններից մինչեւ տեղանքային, քաղաքական ու այլ
հարցեր, երբ մի խումբ չի հանդուժում մի այլ խմբի, օրինակ` հայ
երիտասարդները չեն հանդուժում պարսիկ ուսանողների, որոնք սովորում
են հայկական բուհերում եւ գրաւում իրենց տեղերը, գյումրեցին խոսում
է երեւանցու մասին, թէ նրանք աւելի լաւ են ապրում, իսկ իրենք` ոչ:
Երիտասարդ ռեժիսորը համոզուած է, որ Ֆիլմը նպատակային է եւ
փորձում է ցոյց տալ, թէ ինչ անկանխատեսելի հետեւանքներ կարող է
ունենալ առճակատման հասնող անհանդուրժողականությունն ու
ատելութիւնը: