ԵՐԵՎԱՆ, 12 ՓԵՏՐՈՒԱՐԻ, ՆՈՅԵԱՆ ՏԱՊԱՆ: ՀՀ Կենտրոնական բանկի
խորհուրդը փետրուարի 12-ի նիստում որոշել է չառարկել «Հայաստանի
ֆոնդային բորսա» ԲԲԸ-ում «ՎԱԼԼԵՏԱ» ՍՊԸ-ի արժեկտրօնային անուանական
պարտատոմսերի գրանցմանը:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ ԿԲ-ի մամուլի
ծառայութիւնից, Խորհրդի որոշումներով դրամական (փողային)
փոխանցումներ իրականացնող «ԴԷՊԻ ՏՈՒՆ» ՍՊԸ-ին տրամադրվել է
«Բիստրայա Պոչտա» վճարահաշվարկային համակարգում եւ «ԻՆՏԵՐԷՔՍՊՐԵՍ»
արտասահմանեան վճարահաշվարկային համակարգում մասնակցութեան
թույլտվություն, «Յարութ-Յակոբ» ՍՊԸ-ին` գրաւատան կազմակերպման
լիցենզիա, հաշուառուել է «Էկումենիկ Եկեղեցական փոխատվական ֆոնդ»
ուվկ ՍՊԸ-ի Վարդենիսի ներկայացուցչութիւնը:
Խորհրդի որոշմամբ դադարեցուել է «ԱԼԻՆՎԵՍՏ» ՍՊԸ-ի բրոքերային
գործունէութեան լիցենզիայի գործողութիւնը, դադարած է համարուել
«Ամերիա Ինվեստ» ՓԲԸ-ի արժեթղթերի հավատարմագրային կառավարման
գործունէութեան լիցենզիան:
ՀՀ ԿԲ-ի փետրուարի 12-ի նիստում հաստատուել են «Ներդրումային
ընկերութիւնների հիմնական տնտեսական նորմատիվները, դրանց
սահմանաչափերը, հաշուարկման կարգը, հաշուարկում մասնակցող տարրերի
կազմը, սահմանուած տնտեսական նորմատիվների խախտումների չափը»
կանոնակարգը «Տեղեկատուական տեխնոլոգիաների ռիսկի կառավարման ներքին
հսկողութեան նուազագոյն պայմանները»: Լրացումներ են կատարուել
«Վարկային կազմակերպութիւնների գործունէութեան կարգաւորումը,
վարկային կազմակերպութիւնների գործունէութեան տնտեսական
նորմատիվները», փոփոխութիւններ` «Արտարժոյթի առք ու վաճառքի
գործառնութիւնների լիցենզավորումը եւ կարգաւորումը»
կանոնակարգերում: