ԵՐԵՎԱՆ, 12 ՓԵՏՐՎԱՐԻ, ՆՈՅՅԱՆ ՏԱՊԱՆ: ՀՀ Կենտրոնական բանկի
խորհուրդը փետրվարի 12-ի նիստում որոշել է չառարկել «Հայաստանի
ֆոնդային բորսա» ԲԲԸ-ում «ՎԱԼԼԵՏԱ» ՍՊԸ-ի արժեկտրոնային անվանական
պարտատոմսերի գրանցմանը:
Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ ԿԲ-ի մամուլի
ծառայությունից, Խորհրդի որոշումներով դրամական (փողային)
փոխանցումներ իրականացնող «ԴԵՊԻ ՏՈՒՆ» ՍՊԸ-ին տրամադրվել է
«Բիստրայա Պոչտա» վճարահաշվարկային համակարգում եւ «ԻՆՏԵՐԷՔՍՊՐԵՍ»
արտասահմանյան վճարահաշվարկային համակարգում մասնակցության
թույլտվություն, «Հարութ-Հակոբ» ՍՊԸ-ին` գրավատան կազմակերպման
լիցենզիա, հաշվառվել է «Էկումենիկ Եկեղեցական փոխատվական ֆոնդ»
ՈւՎԿ ՍՊԸ-ի Վարդենիսի ներկայացուցչությունը:
Խորհրդի որոշմամբ դադարեցվել է «ԱԼԻՆՎԵՍՏ» ՍՊԸ-ի բրոքերային
գործունեության լիցենզիայի գործողությունը, դադարած է համարվել
«Ամերիա Ինվեստ» ՓԲԸ-ի արժեթղթերի հավատարմագրային կառավարման
գործունեության լիցենզիան:
ՀՀ ԿԲ-ի փետրվարի 12-ի նիստում հաստատվել են «Ներդրումային
ընկերությունների հիմնական տնտեսական նորմատիվները, դրանց
սահմանաչափերը, հաշվարկման կարգը, հաշվարկում մասնակցող տարրերի
կազմը, սահմանված տնտեսական նորմատիվների խախտումների չափը»
կանոնակարգը «Տեղեկատվական տեխնոլոգիաների ռիսկի կառավարման ներքին
հսկողության նվազագույն պայմանները»: Լրացումներ են կատարվել
«Վարկային կազմակերպությունների գործունեության կարգավորումը,
վարկային կազմակերպությունների գործունեության տնտեսական
նորմատիվները», փոփոխություններ` «Արտարժույթի առք ու վաճառքի
գործառնությունների լիցենզավորումը եւ կարգավորումը»
կանոնակարգերում: