ՍԵՐԺ ՍԱՐԳՍԵԱՆ. «ՌԴ-Ի ԿԱՌԱՎԱՐՈՒԹԵԱՆ ՂԵԿԱՎԱՐԻ ՀԵՏ
ԲԱՆԱԿՑՈՒԹԻՒՆՆԵՐԸ ԱՆՑԵԼ ԵՆ ԼԻԱԿԱՏԱՐ ՓՈԽԸՄԲՌՆՄԱՆ ՊԱՅՄԱՆՆԵՐՈՒՄ»
06-02-2008 19:40:00 | Հայաստան | Տնտեսութիւն
ԵՐԵՎԱՆ, 6 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ռուսաստանի Դաշնութեան
կառավարութեան ղեկավարի հայաստանեան այցի շրջանակներում կայացած
«բանակցութիւններն անցել են լիակատար փոխընբռնման պայմաններում»:
Այս մասին ՀՀ Ազգային Ժողովի փետրուարի 6-ի նիստում յայտնեց
վարչապետ Սերժ Սարգսեանը: Ըստ նրա` նոյն օրը կողմերը ստորագրել են
վեց փաստաթուղթ` ի լրումն նախկինում ստորագրուած 170 փաստաթղթի:
«Մենք Ռուսաստանի կառավարութեան ղեկավարի այցը դիտարկել ենք
որպէս անցեալ տարուայ աշնանը Մոսկուա կատարած իմ այցի
շարունակութիւն»,- ասաց վարչապետը` նշելով, որ անհրաժեշտութիւն
էր առաջացել ամփոփելու այս ժամանակահատուածում կատարուված աշխատանքի
արդիւնքները: Ս.Սարգսեանը նաեւ նշեց, որ երկու երկրների
կառավարությունների ղեկվարների համոզմամբ համագործակցութեան 2007թ.
արդիւնքները գոհացուցիչ են. հայ-ռուսական ապրանքաշրջանառութեան
ծաւալը աճել է աւելի քան 60 տոկոսով եւ հասել 700 մլն ԱՄՆ դոլարի
սահմանագծին: «Բայց նշեցինք նաեւ, որ կան բազմաթիւ ռեզերվներ եւ
շատ կարճ ժամանակում մենք ուղղակի պարտաւոր ենք այդ նիշը հասցնել 1
մլրդ ԱՄՆ դոլարի»,- յայտնեց Ս.Սարգսեանը: Նրա խօսքերով, «իրոք
հնարաւորութիւնները մեծ են», մասնաւորապէս, հաշուի առնելով
հայկական երկաթուղին ռուսական երկաթուղուն կոնցեսիոն կառավարման
տալու փաստը: Վարչապետի համոզմամբ, դա կնպաստի, որ ՌԴ-ում մեծ
պահանջարկ ունեցող հայկական շինանիւթերը մրցունակ լինեն այդ երկրի
տարածքում: