2008 Թ.-ԻՆ ԲՌՆԱԴԱՏՈՒԱԾՆԵՐԻՆ ՎԱՐԿԵՐ ՏՐԱՄԱԴՐԵԼՈՒ ՀԱՄԱՐ
ՆԵՐԿԱՅԱՑՈՒԵԼ Է 31 ԴԻՄՈՒՄ
24-01-2008 16:20:00 | Հայաստան | Հասարակութիւն
ԵՐԵՎԱՆ, 24 ՅՈՒՆՎԱՐԻ, ՆՈՅԵԱՆ ՏԱՊԱՆ: Բռնադատուածներին եւ նրանց
առաջին սերնդի ժառանգներին բնակելի տան շինարարութեան նպատակով
արտօնեալ պայմաններով վարկեր տրամադրելու համար ՀՀ Աշխատանքի եւ
սոցիալական հարցերի նախարարութիւնում ներկայումս հաշւառուած է 378
դիմում: Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց նախարարութեան
Հաշմանդամների եւ տարեցների հիմնահարցերի վարչութեան պետի տեղակալ
Անահիտ Գեւորգեանը, վարկի չափը կազմում է 2-5 մլն դրամ (մօտ 6,5-16
հազար ԱՄՆ դոլոր):
Ըստ նրա, 2007թ.-ին վարկեր են ստացել 35 դիմումատուներ:
Ա.Գեւորգեանը նշեց, որ 2008թ.-ի համար ՀՀ Ֆինանսների եւ
էկոնոմիկայի նախարարութիւն է ներկայացուել վարկերի տրամադրման 31
յայտ: