ԲԻՇՔԷԿ, 17 ՅՈՒՆՎԱՐԻ, ՆՈՅԵԱՆ ՏԱՊԱՆ: Ղրղզստանի խորհրդարանն հուվարի 17-ին ձայների մեծամասնութեամբ զբաղեցրած պաշտօնից վաղաժամկէտ ազատել է հանրապետութեան գերագոյն դատարանի նախագահ Կուրմանբեկ Օսմոնովին: Նրա լիազօրութիւնների վաղաժամկէտ դադարեցման առաջարկութիւնը պատգամաւորների քննարկմանն էր ներկայացրել երկրի նախագահ Կուրմանբեկ Բաքիեւը: Ինչպէս այսօր լրագրողներին յայտարարել է Ղրղզստանի գերագոյն դատարանի արդէն նախկին ղեկավարը, պաշտօնից իր վաղաժամկէտ ազատման հարցը իր համար լրիւ անսպասելի է եղել: Օսմոնովը իր պաշտօնում պիտի մնար մինչեւ 2014 թուվականը:

---