«ՔՈՒԻՆ» ԽՄԲԻ ԿԻԹԱՌԱՀԱՐԸ ԴԱՐՁԵԼ Է ԲՐԻՏԱՆԱԿԱՆ ՀԵՂԻՆԱԿԱՒՈՐ
ՀԱՄԱԼՍԱՐԱՆՆԵՐԻՑ ՄԷԿԻ ՌԵԿՏՈՐԸ
20-11-2007 21:58:00 | | Միջազգային
ԼՈՆԴՈՆ, 20 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Մոլորակի լաւագոյն ռոք
երաժիշտներից մէկը` «Քուին» խմբի կիթառահար Բրայան Մեյը գլխաւորել
է բրիտանական հեղինակաւոր համալսարաններից մէկը, հաղորդում է
«Վեստին»:
Նա ընտրուել է Լիվերպուլի Ջոն Մուրսի համալսարանի պատուաւոր
ռեկտոր: Նոր կարգավիճակում կիթառահարը համալսարանը ներկայացնելու է
պաշտօնական միջոցառումներում:
Բրայան Մեյը նոր մարդ չէ գիտութեան մէջ: Այս տարուայ օգոստոսին
նա ատենախօսութիւն է պաշտպանել աստղաֆիզիկայից, որն սկսել էր գրել
36 տարի առաջ, բայց թողել էր 1976 թուականին «Քուին» խմբի
յաջողութիւնների ալիքի վրայ: