ԳԵՐՄԱՆԻԱՆ ԵՎ ՖՐԱՆՍԻԱՆ ՄՏԱԴԻՐ ԵՆ ԽՍՏԱՑՆԵԼ ՊԱՏԺԱՄԻՋՈՑՆԵՐՆ
ԻՐԱՆԻ ԴԷՄ
12-11-2007 20:56:00 | | Միջազգային
ԲԵՌԼԻՆ, 12 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Գերմանիան եւ Ֆրանսիան
մտադիր են խստացնել պատժամիջոցները Իրանի դէմ, եթէ այդ երկրի
միջուկային ոլորտի քաղաքականութեան մէջ դրական փոփոխութիւններ
չկատարուեն: Դա ընդգծել են ԳԴՀ կանցլեր Անգելա Մերկելը եւ Ֆրանսիայի
նախագահ Նիկոլա Սարկոզին երկու պետութիւնների կառավարությունների
համատեղ նիստից յետոյ լրագրողների հետ հանդիպման ժամանակ:
Ինչպէս հաղորդում է ԻՏԱՌ-ՏԱՍՍ-ը, նրանք միջազգային
հանրութեանը, այդ թւում Ռուսաստանին եւ Չինաստանին, կոչ են արել
շարունակել ճնշում գործադրել Իրանի վրայ: Եթէ Թեհրանից այդ խնդրի
առնչութեամբ գոհացուցիչ պատասխաններ չստացվեն, ապա «ՄԱԿ-ի
շրջանակում, Ռուսաստանի եւ Չինաստանի հետ միասին, հարկաւոր է
մտածել Իրանի նկատմամբ յետագայ պատժամիջոցների մասին»,- նշել է
Մերկելը:
Գերմանա-ֆրանսիական նախարարների խորհրդի համատեղ նիստի
գլխաւոր թեմաները եղել են ինտեգրացիոն քաղաքականութիւնը եւ
Կոսովոյի ապագան: