ԲՈՒՇԸ ԿՈՉ Է ԱՐԵԼ ՄՈՒՇԱՐԱՖԻՆ ԸՆՏՐՈՒԹՅՈՒՆՆԵՐՆ ԱՆՑԿԱՑՆԵԼ
ԺԱՄԱՆԱԿԻՆ ԵՎ ԹՈՂՆԵԼ ԳԼԽԱՒՈՐ ՀՐԱՄԱՆԱՏԱՐԻ ՊԱՇՏՕՆԸ
06-11-2007 17:43:00 | ԱՄՆ | Միջազգային
ՎԱՇԻՆԳՏՈՆ, 6 ՆՈՅԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի նախագահ Ջորջ
Բուշը կոչ է արել Պակիստանի նախագահ Փերվեզ Մուշարաֆին ժամանակին
անցկացնել խորհրդարանական ընտրութիւնները երկրում եւ հրաժարուել
գլխաւոր հրամանատարի պաշտօնից: Այս մասին նա յայտարարել է Սպիտակ
տանը:
«Մենք հոյս ունենք, որ Մուշարաֆը որքան հնարաւոր է արագ
կվերականգնի ժողովրդավարութիւնը»,- ասել է ԱՄՆ-ի նախագահը: Նա,
սակայն, չի ճշտել, թէ ինչ քայլերի կարող է դիմել ԱՄՆ-ն, եւ արդեօք
պէտք է սպասել Վաշինգտոնի կողմից Իսլամաբադին ցուցաբերուող
ֆինանսական օգնութեան կրճատում, եթէ Մուշարաֆը չփոխի դիրքորոշումը:
«Դա ենթադրական հարցադրում է, ես հոյս ունեմ, որ Մուշարաֆը
ուշադրութիւն կդարձնի իմ խորհրդին»,- նկատել է Բուշը:
Նա Մուշարաֆին անուանել է նաեւ «լուրջ մարտիկ ընդդէմ
ծայրահեղականների եւ արմատականների»: Ըստ նրա, «այն ամէնը, ինչ
կարող ենք անել, աշխատանքը Պակիստանի նախագահի հետ շարունակելն է»: