ՊԱԿԻՍՏԱՆՈՒՄ ՁԵՐԲԱԿԱԼՈՒԵԼ ԵՆ ԸՆԴԴԻՄՈՒԹԵԱՆ 500 ԿՈՂՄՆԱԿԻՑՆԵՐ ԵՎ
350 ԴԱՏԱՒՈՐՆԵՐ
05-11-2007 18:06:00 | | Միջազգային
ԻՍԼԱՄԱԲԱԴ, 5 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Պակիստանի
իշխանութիւնները ձերբակալել են ընդդիմադիր քաղաքական գործիչների`
«Ջամաաթ-ի-իսլամի» իսլամական կուսակցութեան 500 կողմնակիցների: Այս
մասին նոյեմբերի 5-ին տեղեկացրել է բրիտանական «Սքայ»
հեռուստաալիքը վկայակոչելով այդ կուսակցութեան ներկայացուցիչների:
Հաղորդւում է, որ տուեալ քաղաքական ուժը դեռ աւելի վաղ պնդում էր,
որ Փերվեզ Մուշարրաֆի կողմից նախագահի եւ զինուած ուժերի գլխաւոր
հրամանատարի պաշտօնների համատեղումը սահմանադրական չէ:
«Սքայը» նաեւ հաղորդում է, որ ազգային դատական համակարգի
աշխատողների կազմակերպած բողոքի ցույցի մասնակիցների հետ
պակիստանյան ոստիկանների բախումների արդիւնքում կալանաւորուել են
առնուազն 350 դատաւորներ: Հաղորդւում է, որ ամենախոշոր ակցիան
անցկացուել է Լահորում, որտեղ Գերագոյն դատարանի շէնքում են
հաւաքուել մօտ 2 հազար դատաւորներ: Իշխանութիւնները ցրել են բողոքի
այդ հանրահաւաքը գործի դնելով մահակներ եւ արցունքաբեր գազ: Ինչպէս
հաւաստվում է, դատաւորների ձերբակալութիւնները կապուած են այն բանի
հետ, որ նրանք հրաժարուել են նախագահ Մուշարրաֆին հաւատարմութեան
նոր երդում տալ: