ՉԻԿԱԳՈ, 1 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Չիկագոյում (ԱՄՆ) անցկացուող բռնցքամարտի աշխարհի վարկանիշային առաջնութիւնում հոկտեմբերի 31-ին կայացան 1/8-րդ եզրափակիչ փուլի հանդիպումները: Հայաստանի ներկայացուցիչներից Յովհաննէս Դանիելեանը (48 կգ) եւ Հրաչեա Ջավախյանը (60 կգ) յաղթեցին մրցակիցներին, անցան քառորդ եզրափակիչ եւ, ինչպէս Էդվարդ Համբարձումեանը (64 կգ), իրենց համար ապահովեցին Պեկինի օլիմպիական խաղերի ուղեգիր: Հայ 3 բռնցքամարտիկներն էլ նոյեմբերի 1-ին կմրցեն կիսաեզրափակիչ փուլ մտնելու համար:

---