ՃԱՊՈՆԻԱՆ ԿԱՍԵՑՐԵԼ Է ՄԱՍՆԱԿՑՈՒԹԻՒՆԸ ԱՖՂԱՆՍՏԱՆԻ
ԳՈՐԾՈՂՈՒԹԵԱՆԸ
29-10-2007 21:15:00 | | Միջազգային
ՏՈԿԻՈ, 29 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Ճապոնացի լցարկողները
դադարեցնում են վառելիքի եւ ջրի տրամադրումը կոալիցիայի նաւերին,
որոնք ներգրաւուած են Աֆղանստանեան խաղաղարարական առաքելութեան մէջ,
հաղորդում է «Կիոդօ Ցուսին» գործակալութիւնը` վկայակոչելով
Ճապոնիայի պաշտպանութեան նախարարութեան աղբիւրներ:
Ըստ աղբիւրի, հոկտեմբերի 29-ին իրականացուել է պակիստանյան
ռազմական նավատորմի ականակրի վերջին լցարկումը, որով էլ ճապոնացի
լցարկողների գործունէութիւնը դադարեցուել է:
Դա կապուած է ահաբեկչութեան դէմ պայքարի մասին յատուկ օրէնքի
գործողութեան ժամկէտի աւարտի հետ, որի հիման վրայ ճապոնական նաւերը
2001 թուականի դեկտեմբերից գտնւում էին Հնդկական ովկիանոսում:
Օրէնքը ուժը կորցնում է նոյեմբերի 1-ից:
Ինչպէս սպասւում է, մինչ այդ երկրի պաշտպանութեան նախարար
Սիգերու Իսիբան հրամանագիր կստորագրի այդ շրջանից նաւերը յետ
կանչելու մասին: