ԲՐԻՒՍԷԼ, 25 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Եվրոհանձնաժողովը
առաջարկել է մի օրինագիծ, որ խօստանում է գրաւել «օգտակար
ներգաղթողների»: Մասնագէտներին կդիմաւորեն գրկաբաց եւ նրանց
կյանձնեն «ԵՄ կապույտ քարտ»: Ինչպէս բացատրում են
եվրոպաշտոնյաները, դա մի տեսակ ամերիկեան «գրին-քարտ» է, միայն թէ
աւելի լաւը: Բրիւսէլեան փորձագետները եւրոպական երկրների
քաղաքացիներին համոզում են, որ առանց արտասահմանից բանուորական
ձեռքերի եւ խելօք գլուխների ներհոսի անհնար է պահպանել այսօրուայ
ծերունիների ստեղծած հարստութիւնը:
Եվրոհանձնաժողովի նախագահի տեղակալ Ֆրանկո Ֆրատտինին ներգաղթի
մասին նոր օրինագծի քննարկումից յետոյ խորհուրդ է տուել. «Եթէ նայենք
թուերին, ապա Եւրոպայի գրավչությունն այնքան էլ բարձր չէ: Մենք
տարեկան ընդունում ենք 70 հազար որակեալ մասնագէտների: Այնքան էլ
մեծ բան չէ»:
«Կապույտ քարտը», որն առաջարկում է Եվրոհանձնաժողովը, եւ'
բնակութեան իրաւունքի մի տեսակ է, եւ' երկու տարի աշխատելու
թույլտվություն` երկարացման հնարաւորութեամբ: Այն ստանալու համար
աշխատողին հարկաւոր է ունենալ առնուազն երեք տարուայ աշխատանքային
ստաժ, նրա աշխատատեղին չպէտք է հավակնեն ԵՄ քաղաքացիներ: «Կապույտ
քարտը» կլինի միասնական ողջ ԵՄ-ի համար, եթէ, անշուշտ, այդ օրէնքն
ընդունվի: