ԱՄՆ-Ն ԿԱՐՈՂ Է ՅԵՏԱՁԳԵԼ ՀՀՊ ՀԱՄԱԿԱՐԳԻ ՏԵՂԱԿԱՅՈՒՄԸ ՉԵԽԻԱՅՈՒՄ
23-10-2007 20:37:00 | | Միջազգային
ՊՐԱՀԱ, 23 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ն կարող է յետաձգել
Չեխիայում ռադիոտեղորոշման կայանի եւ Լեհաստանում ՀՀՊ օբյեկտների
գործարկման ժամկէտը պայմանով, եթէ Ռուսաստանը համաձայնի
համագործակցել Միացեալ Նահանգների հետ այդ հարցում: Այս մասին
յայտարարել է այցով Չեխիայում գտնուող ԱՄՆ-ի պաշտպանութեան նախարար
Ռոբերտ Գեյթսը:
Նախարարն ընդգծել է, որ Եվրոպայում ԱՄՆ-ի ՀՀՊ տարրերը
նպատակաուղղուած չեն Ռուսաստանի դէմ: «ՌԴ-ն, ընդհակառակը, կարող է
օգուտ քաղել դրանց տեղակայումից»,- ընդգծել է Գեյթսը: Նա յայտնել է
նաեւ, որ ամերիկեան կողմը, հասկանալով ռուսական դիրքորոշումը,
կարող է պատրաստ լինել նրան, որ ՀՀՊ որոշ տարրեր չգտնուեն լրիւ
մարտական պատրաստութեան մէջ: «Նրանք կակտիւացուեն, երբ օպերատիւ
հրատապ սպառնալիք ծագի»,- ընդգծել է Պենտագոնի ղեկավարը: