ԴԵԼԻ, 22 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Դելիի փոխքաղաքապետ 52-ամեայ Բաջվան մահացել է վայրի կապիկների ոհմակի յարձակման հետեւանքով ստացած վերքերից, հաղորդում է BBC News-ը: Մակակաները Բաջվայի վրայ յարձակուել էին հոկտեմբերի 20-ին: Պաշտօնեան, յետ մղելով նրանց, ընկել էր առաջին հարկի սանդղավանդից եւ գլխի լուրջ վնասուածք ստացել: Աւելի ուշ նա մահացել է հիւանդանոցում: Վայրի կապիկների հոտերը, ինչպէս նշում են տեղի ԶԼՄ-ները, իսկական աղէտ են դարձել Դելիի համար: Իշխանութիւնները բազմիցս փորձել են լուծել այդ հարցը` բանուորներ վարձելով կենդանիներին որսալու համար եւ փորձելով մակականերին ահաբեկել կապիկների այլ տեսակների` լանգուրների միջոցով: Այժմ քաղաքում հաշւում են մօտ հինգուկէս հազար մակականեր:

---