ՊԱԿԻՍՏԱՆՈՒՄ ՄԱՀԱՓՈՐՁ Է ԿԱՏԱՐՈՒԵԼ ՆԱԽԿԻՆ ՎԱՐՉԱՊԵՏ ԲԵՆԱԶԻՐ
ԲՀՈՒՏՈՅԻ ԴԷՄ
19-10-2007 15:20:00 | | Միջազգային
ԻՍԼԱՄԱԲԱԴ, 19 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Պակիստանում նախկին
վարչապետ Բենազիր Բհուտոյի դէմ կատարուված մահափորձի հետեւանքով
զոհուել է 125 եւ վիրաւորուել աւելի քան 500 մարդ:
Աւտոմեքենայում տեղադրուած հզօր պայթուցիկ սարքը գործել է մօտ
կէսգիշերին, ութ տարուայ կամաւոր աքսորից հայրենիք վերադարձած
Բենազիր Բհուտոյի կորտեժի կողքին: Նախկին վարչապետը չի տուժել
ահաբեկութեան հետեւանքով, որն իրականացրել է, ինչպէս ենթադրւում է,
մահապարտ ահաբեկչի կողմից: Ծայրայեղական կազմակերպություններից ոչ
մէկը առայժմ չի ստանձնել պայթիւնի պատասխանատւութիւնը:
Նախագահ Փերվեզ Մուշարաֆը եւ վարչապետ Շաուքաթ Ազիզը
դատապարտել են նախկին վարչապետի դէմ կազմակերպուած մահափորձը:
Ահաբեկչութեան դատապարտմամբ են հանդէս եկել նաեւ ՄԱԿ-ի
գլխաւոր քարտուղար Պան Գի Մունը, ԱՄՆ-ի, Մեծ Բրիտանիայի եւ
Ֆրանսիայի արտաքին քաղաքական գերատեսչութիւնների
ներկայացուցիչները: