ՆԱԽԱՏԵՍՒՈՒՄ Է ԿՆՔԵԼ ՀԱՄԱՁԱՅՆԱԳԻՐ ՄՇԱԿՈՅԹԻ ՈԼՈՐՏՈՒՄ
ՀԱՅ-ՍԼՈՎԱԿԵԱՆ ՀԱՄԱԳՈՐԾԱԿՑՈՒԹԵԱՆ ՄԱՍԻՆ
12-10-2007 18:35:00 | Հայաստան | Մշակոյթ
ԵՐԵՎԱՆ, 12 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Նախատեսւում է, որ
նոյեմբերի վերջին Երեւան կայցելի Սլովակիայի մշակոյթի նախարար
Մարեկ Մադյարիչը, որը ՀՀ մշակոյթի նախարար Յասմիկ Պողոսեանի հետ
կստորագրի համաձայնագիր մշակոյթի ոլորտում հայ-սլովակեան
համագործակցութեան վերաբերեալ: Այս մասին «ՆՈՅԵԱՆ ՏԱՊԱՆ»-ի
թղթակցին յայտնեց Սլովակիայի հայ համայնքի ղեկավար Աշոտ
Գրիգորեանը:
Նրա խօսքերով, փաստաթղթով կնախանշուեն Սլովակիայի 1-ին
հեռուստաալիքի եւ Հայաստանի հանրային ռադիոհեռուստաընկերության
միջեւ համագործակցութեան շրջանակաները հեռուստահաղորդումների
փոխանակության եւ համատեղ ֆիլմարտադրության ոլորտում: Նշուեց, որ
Սլովակիայի 1-ին հեռուստաալիքը լայն լսարան ունի նաեւ Չեխիայում եւ
Լեհաստանում:
Ա.Գիգորյանը յայտնեց նաեւ, որ նախատեսում է իր միջոցներով
մինչեւ 15 մլն եւրօ ընդհանուր չափով վարկային գծեր բացել
հայ-սլովակեան մշակոյթային նախագծերը ֆինանսաւորելու նպատակով: