ՎԻԵՏՆԱՄՈՒՄ ՅԱՅՏՆԱԲԵՐՈՒԵԼ ԵՆ ԲՈՅՍԵՐԻ ԵՎ ԿԵՆԴԱՆԻՆԵՐԻ ՆՈՐ
ՏԵՍԱԿՆԵՐ
02-10-2007 15:17:00 | | Միջազգային
ՀԱՆՈՅ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Գիտնականները բոյսերի եւ
կենդանիների 11 նոր տեսակ են յայտնաբերել Վիետնամում, այդ թւում`
օձի` 1, թիթեռի` 2 եւ խոլորձի 5 տարատեսակ: Այս մասին հաղորդում է
CNN-ը` վկայակոչելով World Wildlife Fund-ի (WWF) տուեալները:
Նոր տեսակները յայտնաբերուել են Վիետնամի կենտրոնում գտնուող
Թուա Թիեն Հյու գաւառի մի հեռաւոր վայրում, որը յայտնի է «Կանաչ
միջանցք» անուանումով:
Ըստ WWF-ի` յայտնաբերուած օձի տեսակը հիմնականում ապրում է
գետերի մօտ, սնւում գորտերով եւ այլ փոքր կենդանիներով, գլխին ունի
դեղնասպիտակ շերտագիծ, մարմնին` կարմիր կէտեր, եւ երկարությունը
կարող է հասնել աւելի քան 70 սմ-ի: Յայտնաբերուած թիթեռի տեսակները
Թուա Թիեն Հյուում 1996թ.-ից ի վեր յայտնաբերուած 8 տեսակների
շարքում են: Խոլորձի նոր տեսակներից երեքը տերեւ չունեն, ինչն
անսովոր է այս ծաղկի համար: