ԻՍՐԱՅԵԼԸ ԳԱԶԱՅԻ ՀԱՏՈՒԱԾԸ ՅԱՅՏԱՐԱՐԵԼ Է «ԹՇՆԱՄԱԿԱՆ
ԿԱԶՄԱՒՈՐՈՒՄ»
19-09-2007 20:26:00 | | Միջազգային
ԹԵԼ ԱՒԻՒ, 19 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Իսրայելի
կառավարութիւնը Գազայի հատուածը յայտարարել է «թշնամական
կազմաւորում»:
Ինչպէս հաղորդում են իսրայելական լրատվամիջոցները, այդ
յայտարարութիւնից յետոյ Իսրայելը նպատակ ունի դադարեցնել ջրի,
էլեկտրականության եւ վառելիքի մատակարարումը Գազա:
Նշւում է, որ Իսրայելի Ազգային անվտանգութեան խորհուրդը
այդպիսի որոշում է ընդունել ի պատասխան 2 շաբաթ առաջ Գազայի
հատուածից պաղեստինցի գրոհայինների կողմից Իսրայելի ռազմաբազայի
հրթիռակոծութեան, ինչի հետեւանքով մարմնական տարբեր աստիճանի
վնասուածքներ էին ստացել 6 տասնեակից աւելի իսրայելցի
զինծառայողներ:
Իսրայելի կառավարութիւնը այդ որոշմամբ ցանկանում է թուլացնել
Գազայի հատուածը վերահսկող ՀԱՄԱՍ շարժման դիրքերը: