ՖԼԱՆԴՐԻԱՅԻ ԽՈՐՀՐԴԱՐԱՆԸ ՄԵՐԺԵԼ Է ԲԵԼԳԻԱՅԻ ՄԱՍՆԱՏՄԱՆ ՄԱՍԻՆ
ՀԱՆՐԱՔՈՒԷ ԱՆՑԿԱՑՆԵԼՈՒ ԱՌԱՋԱՐԿՈՒԹԻՒՆԸ
11-09-2007 17:18:00 | | Միջազգային
ԲՐԻՒՍԷԼ, 11 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Ֆլամանդական
ուլտրա-աջերը սեպտեմբերի 10-ին չեն կարողացել Ֆլանդրիայի
խորհրդարանում անցկացնել իրենց տարածաշրջանը Բելգիայից անջատելու
վերաբերեալ հանրաքուէի անցկացման մասին օրինագիծը:
Ըստ տեղական լրատվամիջոցների, Ֆլանդրիայի խորհրդարանի
լիագումար նստաշրջանում Բելգիայից անջատուելու մասին շտապ կարգով
հանրաքուէ անցկացնելու «Վլաամս բելանգ» («Ֆլամանդական շահ»)
ազգայնական դաշինքի պահանջի օգտին քուէարկել է 127 պատգամաւորներից
32-ը:
Իրենց պահանջը ազգայնականների առաջնորդ Ֆիլիպ Դեւինտերը
պատճառաբանել է ներկայիս քաղաքական ճգնաժամի անլուծելիությամբ, որի
հետեւանքով Բելգիան արդէն երեք ամիս է` չի կարողանում նոր
կառավարութիւն ձեւաւորել: Ճգնաժամը պայմանաւորուած է սահմանադրական
բարեփոխումների խնդրին առնչուող վալլոնյան (ֆրանսալեզու) եւ
ֆլամանդական (նիդերլանդալեզու) կուսակցութիւնների միջեւ առկայ սուր
հակասություններով:
Հասարակական կարծիքի հարցումների համաձայն, Բելգիայի բաժանման
գաղափարը պաշտպանում է ֆլամանդների 40 տոկոսը եւ վալլոնների 3
տոկոսից ոչ աւելին: