ԵՐԵՒԱՆԻ ՔԻՄԻԱԿԱՆ ՖԻԶԻԿԱՅԻ ԻՆՍՏԻՏՈՒՏԻ ՄՇԱԿՈՒՄՆԵՐԸ ԿԿԻՐԱՌՈՒԵՆ
«ՄԱՔՈՒՐ ԵՐԿԱԹԻ ԳՈՐԾԱՐԱՆ»-ՈՒՄ ԵՎ «ԱԼՄԱՍՏՈՒՄ»
07-09-2007 20:00:00 | Հայաստան | Տնտեսութիւն
ԵՐԵՎԱՆ, 7 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: ՀՀ ԳԱԱ Քիմիական
ֆիզիկայի ինստիտուտի մշակած մոլիբդենի մանրափոշիների ստացման
տեխնոլոգիաները նախատեսւում է կիրառել մոլիդբդենի համաձուլվածքներ
արտադրող «Մաքուր երկաթի գործարան»-ում: Այս մասին «ՆՈՅԵԱՆ
ՏԱՊԱՆ»-ի թղթակցին յայտնեց Ինստիտուտի Բարձրջերմաստիճանային
ինքնատարածվող սինթեզի (ԲԻՍ) կինետիկայի լաբորատորիայի եւ Երեւանի
պետական համալսարանի քիմիական ֆիզիկայի ամբիոնի վարիչ Սուրէն
Խառատեանը:
Նրա խօսքերով, ինստիտուտը մշակել է մոլիբդենի օքսիդից մաքուր
մոլիբդենի եւ մոլիբդենի դիսիլիցիդի մանրափոշիների ստացման
տեխնոլոգիաներ, որոնց փոխանցման ուղղութեամբ բանակցութիւններ է
սկսել գործարանի հետ: Ս.Խառատեանը հոյս յայտնեց, որ նշուած
մանրափոշիների արտադրութիւնը կկազմակերպուի «Մաքուր երկաթի
գործարան»-ում: «Եթէ մենք համեմատում ենք մոլիբդենի մանրափոշու
ստացման տեխնոլոգիաները, ապա մեր տեխնոլոգիան, որը հիմնուած է ԲԻՍ
պրոցեսների վրայ, բարդ եւ թանկ է: Բայց մեր տեխնոլոգիայով ստացւող
նիւթի մաքրութիւնը շատ աւելի բարձր է, հետեւաբար, այն մի քանի
անգամ թանկ է, քան այլ տեխնոլոգիաներով ստացվողները:
Նշուեց, որ ինստիտուտի մշակած տեխնոլոգիաներով ստացւող նիկելի
եւ կոբալտի մանրափոշիները որոշակի փորձաքանակներով սկսել են
օգտագործուել Երեւանի «Ալմաստ» գործարանում` կտրող գործիքների
արտադրութեան մէջ: Այդ մանրափոշիները գործարանի կողմից
օգտագործւում են նաեւ որպէս արհեստական ալմաստների սինթեզի
կատալիզատոր: Ս.Խառատեանը հոյս յայտնեց, որ ինստիտուտի
համագործակցութիւնը «Ալմաստի» հետ կընդլայնուի: