ՉԻՆ ՀԱԿԷՐՆԵՐԸ ՎՆԱՍԵԼ ԵՆ ՊԵՆՏԱԳՈՆԻ ՀԱՄԱԿԱՐԳՉԱՅԻՆ ՑԱՆՑԸ
04-09-2007 14:50:00 | | Միջազգային
ՊԵԿԻՆ, 4 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Չին հակէրները վնասել են
Պենտագոնի համակարգչային ցանցը` շարքից հանելով 1,5 հազար
համակարգիչ: Այս մասին հաղորդում է «Financial Times»-ը:
Ըստ ամերիկեան աղբիւրների, ԱՄՆ-ի ռազմական գերատեսչութեան
համակարգչային ցանցի վրայ յարձակումը տեղի է ունեցել յունիսի 20-ին
Չինաստանի ազգային-ազատագրական բանակի մասնագէտների կողմից:
Միեւնոյն ժամանակ նշւում է, որ չինաստանի կառավարութիւնը
հերքում է տարածուած լուրերը. «Չինաստանին եւ չի զինվորականներին
համակարգչային յարձակումների մէջ մեղադրելը անհիմն է եւ
հանդիսանում է «սառը պատերազմի» մտածողութեան դրսեւորում»,-
յայտարարել է Չինաստանի արտգործնախարարութեան պաշտօնական
ներկայացուցիչ Ցզյան Յուն: