ԱՆՏԱՌԱՅԻՆ ՀՐԴԵՀՆԵՐՈՎ ԲՌՆՈՒԱԾ ՅՈՒՆԱՍՏԱՆԻ ԱՐԵՎՄՈՒՏՔՈՒՄ
ԵՐԿՐԱՇԱՐԺ Է ՏԵՂԻ ՈՒՆԵՑԵԼ
27-08-2007 16:30:00 | | Միջազգային
ԱԹԷՆՔ, 27 ՕԳՈՍՏՈՍԻ, ՆՈՅԵԱՆ ՏԱՊԱՆ: Օգոստոսի 27-ին Յունաստանի
արեւմուտքում, Կեֆալինիա կղզու շրջանում տեղի է ունեցել 5,1 բալ
մագնիտուդի երկրաշարժ, զոհերի եւ վնասի մասշտաբների մասին տվյալներ
առայժմ չկան, հաղորդում է «Նովոստի» գործակալութիւնը: Աթէնքի
գեոդինամիկայի ինստիտուտի տուեալներով, երկրաշարժը տեղի է ունեցել
տեղական ժամանակով 9:29: Էպիկենտրոնը գտնուել է կղզու արեւմտյան
ափին, երկրի մայրաքաղաք Աթէնքից մօտաւորապէես 300 կիլոմետր
հեռավորությամբ:
Բնական հրդեհները, որ համակել են Յունաստանը, չեն շրջանցել եւ
Կեֆալինիան: Ներկայումս կղզում մոլեգնում է առնուազն մէկ անտառային
հրդեհ: Այն բռնկել է նախորդ օրը երեկոյեան կղզու հարաւային մասում:
Ինչպէս հաղորդում է «Ինտերֆաքսը» վկայակոչելով տեղական
ԶԼՄ-ները, վերջին մէկ օրում Յունաստանի տարածքում բռնկել են կրակի
89 նոր օջախներ: Ընդամէնը երկրում մոլեգնում են 30 խոշոր անտառային
հրդեհներ: Կրակը մարելը բարդանում է քամու ուժեղ պոռթկումներից,
որոնց արագութիւնը գերազանցում է ժամում 70 կիլոմետրը:
Ինքնաթիռներն ու ուղղաթիռները, որ օգտագործում են հրշեջները, չեն
կարող առաւելագոյնս արդիւնաւէտ գործել մեծ ամպամածութեան
պատճառով:
Ըստ առողջապահութեան նախարարութեան վերջին տուեալների, կրակից
արդէն զոհուել է 63 մարդ: