ԻՐԱՔՈՒՄ ՎԹԱՐԻ Է ԵՆԹԱՐԿՈՒԵԼ ԱՄԵՐԻԿԵԱՆ ՈՒՂՂԱԹԻՌ. ԿԱՆ ԶՈՀԵՐ
22-08-2007 18:25:00 | | Միջազգային
ԲԱՂԴԱԴ, 22 ՕԳՈՍՏՈՍԻ, ՆՈՅԵԱՆ ՏԱՊԱՆ: Իրաքի հիւսիսում
օգոստոսի 21-ի լոյս 22-ի գիշերը վթարի է ենթարկուել ամերիկեան
ռազմական մի ուղղաթիռ, ինչի հետեւանքով զոհուել են ուղղաթիռում
գտնուող բոլոր 14 զինծառայողները: Այս մասին յայտարարել է ԱՄՆ-ի
զինուորական հրամանատարութեան ներկայացուցիչը:
Տեղեկութիւնների համաձայն, ուղղաթիռը վթարի է ենթարկուել
գիշերը` ռազմական գործողութիւն իրականացնելու պահին: Ըստ նախնական
տուեալների, վթարի պատճառ են դարձել տեխնիկական անսարքությունները:
Նշւում է, որ սա ընթացիկ ամսուայ ընթացքում արդէն 2-րդ վթարի
ենթարկված ամերիկեան ռազմական ուղղաթիռն է: Օգոստոսի 14-ին տեղի
ունեցած վթարի ժամանակ զոհուել էր ամերիկացի 5 զինծառայող: