ԼԻՄԱ, 16 ՕԳՈՍՏՈՍԻ, ՆՈՅԵԱՆ ՏԱՊԱՆ: Օգոստոսի 15-ին Պերուում
տեղի ունեցած երկու երկրաշարժների հետեւանքով, ըստ նախնական
տուեալների, զոհուել է 72 եւ մարմնական տարբեր աստիճանի վնասուածքներ
ստացել 680 մարդ: Այս մասին հաղորդում են տեղական լրատվամիջոցները:
Տեղեկութիւնների համաձայն, ըստ Ռիխտերի սանդղակի 7,7
մագնիտուդ ուժգնութեամբ ստորերկրյա առաջին ցնցմանը մի քանի րոպե
անց յաջորդել է երկրորդը` 7,5 մագնիտուդ ուժգնութեամբ:
Երկրաշարժերի էպիկենտրոնը Պերուի մայրաքաղաքից` Լիմայից, գտնւում
է 161 կմ հեռաւորութեան վրայ: Ցնցումներն առաւելապէս զգացվել են Իկա
քաղաքում:
Քաղպաշտպանության ստորաբաժանումները սկսել են էվակուացնել
մայրաքաղաքի ծայրամասերի բնակչութեանը յայտարարուած ցունամիի վտանգի
պատճառով: Լիմայի հազարաւոր բնակիչներ, զգուշանալով նոր
ցնցումներից, շարունակում են մնալ փողոցներում: