ԱՄՆ-Ի ԿՈՂՄԻՑ ԱԳՐԵՍԻԱՅԻ ԴԷՊՔՈՒՄ ՎԵՆԵՍՈՒԵԼԱՆ ԿԴԱԴԱՐԵՑՆԻ ՆԱՒԹԻ
ՄԱՏԱԿԱՐԱՐՈՒՄԸ,- ՅԱՅՏԱՐԱՐՈՒՄ Է ՈՒԳՈ ՉԱՎԵՍԸ
13-08-2007 18:40:00 | | Միջազգային
ԿԱՐԱԿԱՍ, 13 ՕԳՈՍՏՈՍԻ, ՆՈՅԵԱՆ ՏԱՊԱՆ: ԱՄՆ-ի կողմից ագրեսիայի
դէպքում Վենեսուելան կդադարեցնի նաւթի մատակարարումը: Այս մասին
օգոստոսի 11-ին յայտարարել է Վենեսուելայի նախագահ Ուգո Չավեսը
կարիբեան պետութիւնների էներգետիկ գագաթնաժողովի ժամանակ:
«Եթէ ԱՄՆ-ը դարձեալ փորձի Վենեսուելայում կազմակերպել պետական
յեղաշրջում, ինչպէս դա եղավ 2002թ., ապա մենք կդադարեցնենք նաւթ
մատակարարել այդ պետութեանը»,- նշել է Ուգո Չավեսը: Ըստ նրա, այդ
ժամանակահատուածում երկրում տեղի ունեցած պետական յեղաշրջման
անյաջող փորձի յետեւում կանգնած է եղել Վաշինգտոնը:
Միեւնոյն ժամանակ Չավեսն ընդգծել է, որ Վենեսուելան ներկայ
պահին կատարում է նաւթի արտահանման վերաբերեալ ստանձնած
պարտաւորութիւնները: Նա հոյս է յայտնել նաեւ ԱՄՆ-ի նոր նախագահի
ընտրութիւններից յետոյ Սպիտակ տան հետ կառուցողական երկխօսութեան
մասին:
Վենեսուելայում տեղի ունեցած էներգետիկ գագաթնաժողովի ժամանակ
կարիբեան պետութիւնները կնքել են էներգետիկ անվտանգութեան
պայամանագիր: Գագաթնաժողովի ժամանակ Ուգո Չավեսը յայտարարել է, թէ
«Վենեսուելան դարերով կարող է նաւթով եւ գազով ապահովել
տարածաշրջանի պետութիւններին»: