ԴՅՈՒՆԿԵՐԿ, 8 ՕԳՈՍՏՈՍԻ, ՆՈՅԵԱՆ ՏԱՊԱՆ: Օգոստոսի 8-ին Ֆրանսիայի հիւսիսում լեհական աւտոբուսը ենթարկուել է վթարի, ինչի հետեւանքով աւտոբուսի 47 ուղեւորներից 4-ը զոհուել են, իսկ 25-ը` ստացել մարմնական տարբեր աստիճանի վնասուածքներ: Այս մասին հաղորդում են լեհական լրատվամիջոցները: Վթարը տեղի է ունեցել Դյունկերկ քաղաքի մերձակայքում: Աւտոբուսը շրջվել է աւտոկայանատեղի մտնելիս: Տուժածների որոշ մասին տեղավորել են Բելգիայի հիւանդանոցներում: Դուբլին ուղեւորւող աւտոբուսը պատկանում էր «Պոլոնիա տրանսպորտ» ընկերութեանը: Յիշեցնենք, որ յուլիսի 21-ին Ֆրանսիայում` Գրենոբլից ոչ հեռու, դարձեալ վթարի էր ենթարկուել լեհական մի աւտոբուս, ինչի հետեւանքով աւտոբուսի 49 ուղեւորներից զոհուել էր 26-ը զոհուել էր, իսկ 24-ը` ստացել մարմնական վնասուածքներ:

---