ԱՄՆ-ՈՒՄ ԱՌԱՆՑ ՅԱՏՈՒԿ ԹՈՒՅԼՏՎՈՒԹՅԱՆ ԿԳԱՂՏՆԱԼՍՎԵՆ
ՀԵՌԱԽՈՍԱԶՐՈՒՅՑՆԵՐԸ
06-08-2007 14:35:00 | ԱՄՆ | Միջազգային
ՎԱՇԻՆԳՏՈՆ, 6 ՕԳՈՍՏՈՍԻ, ՆՈՅԵԱՆ ՏԱՊԱՆ: ԱՄՆ-ի
Ներկայացուցիչների պալատը հաւանութիւն է տուել Սպիտակ տան
առաջադրած օրինագծին, ըստ որի, գաղտնի ծառայութիւնները կարող են
առանց դատարանի թույլտվության գաղտնալսել քաղաքացիների
հեռախոսազրույցները եւ ստուգել նրանց էլեկտրոնային նամակները:
Օգոստոսի 3-ին այս օրնագիծը հաստատուել էր Սենատի կողմից, որի
օգտին էր քուէարկել 60 եւ դէմ արտայայտուել 28 սենատոր:
Ըստ օրինագծի, նախատեսւում է գաղտնալսել հիմնականում
օտարերկրացիների եւ ամերիկացիների միջեւ հեռախօսազրոյցներ:
Տեղեկութիւնների համաձայն, ԱՄՆ-ի նախագահ Ջորջ Բուշն արդէն
ստորագրել է այդ օրինագծը. «Սա մեր հետախուզութեան աշխատակիցներին
կշնորհի բոլոր անհրաժեշտ լիազորութիւնները` Ամերիկան պաշտպանելու
համար»,- յայտարարել է Ջորջ Բուշը:
Ամերիկեան վարչակազմը կարեւորում է օրինագծի հաստատումը`
պնդելով, թէ այն հնարաւորութիւն կտայ կանխել նախապատրաստւող
ահաբեկչութիւններն ու յարձակումները: